Советот на Републиката разгледува значајни прашања од самоуправниот социјалистички развиток, остварувањето на соработката со другите социјалистички републики и со социјалистичките автономни покраини и други прашања што ќе му ги предложи Претседателството на Републиката и за своите ставови и предлози го известува Собранието на Социјалистичка Република Македонија.
Членовите на Советот на Републиката, по предлог од Претседателството на Републиката, ги избира Собранието.
Членовите на Советот на Републиката се избираат од редот на истакнатите општествено-политички и други јавни работници.
Седниците на Советот на Републиката ги свикува и на нив претседава претседателот на Претседателството на Републиката.
Начинот на работата и организацијата на Советот на Републиката се уредуваат со закон.